Saxta içkidən ölənlərin sayı artır
İstanbulda saxta içkidən ölüm hallarının sayı artıb.
Bu barədə Crossmedia.az “HaberGlobal”a istinadən xəbər verir.
Son məlumatlara görə, Bayrampaşa rayonunda saxta içki istehsal edilən bir anbarda əməliyyat keçirilib. Əməliyyat zamanı 7,5 litr saxta içki aşkar edilərək götürülüb, istehsalla məşğul olan şübhəli şəxs saxlanılıb.
Son 4 gündə İstanbulda saxta içki istehlakı səbəbindən 92 nəfər xəstəxanaya yerləşdirilib. Öllərin sayı 38-ə çatıb. Hal-hazırda 46 nəfərin müalicəsi davam edir, 8 nəfər isə evə buraxılıb.
Qeyd edək ki, dünən axşam saatlarında İsmetpaşa məhəlləsində yerləşən bir anbarda əməliyyat keçirilib. Bayrampaşa Rayon Polis İdarəsinin Asayiş Büro əməkdaşlarının apardığı əməliyyat zamanı anbarda müxtəlif növ saxta içkilər aşkar olunub. Plastik qabda 1 litr etil spirt, plastik butulkada 3 litr araq, şüşə qabda 1,5 litr rakı, 2 litr viski və “malt” etiketi olan viski aroması götürülüb.
Saxta içki istehsalı ilə məşğul olduğu müəyyən edilən 63 yaşlı şübhəli Əli Çolak polis bölməsindəki ifadəsindən sonra məhkəməyə göndərilib.
Gültac Mehdizadə
10:39 17.01.2025
Oxunuş sayı: 2164
