İsrailə xəbərdarlıq edilib: Hücum edəcəyik
İsrail Qəzzada atəşkəsi pozacağı təqdirdə husilər də hücumlarını bərpa edəcək.
Crossmedia.az xarici KİV-ə istinadən xəbər verir ki, bunu “ƏnsarAllah”ın lideri Əbdülməlik əl-Husi tərəfdarlarına müraciətində deyib.
Bildirilib ki, Yəmənin “ƏnsarAllah” hərəkatının üzvləri İsrail Qəzzada atəşkəsi pozacağı təqdirdə İsrail ərazisinə və gəmilərə hücumları bərpa edəcək.
"Biz sazişin icrasının mərhələlərini izləyəcəyik. İsrailin hər hansı pozuntu, qırğınların davam etdirilməsi və ya mühasirənin bərpası halında, Fələstin xalqına dərhal hərbi dəstək verməyə hazır olacağıq", - hərəkat tərəfdarları xəbərdarlıq edib.
09:24 17.01.2025
Oxunuş sayı: 15950
