Yaponiyada yanğın: 150 nəfər təxliyə edilib
Yaponiyanın Xirosima prefekturasının Etajima şəhərində meşədə yanğın baş verib.
Crossmedia.az xarici KİV-ə istinadən xəbər verir ki, bölgə yaxınlığındakı qocalar evində qalan 150 nəfər təhlükəsizlik məqsədilə təxliyə edilib.
Dünya ABŞ-ın Kaliforniya ştatında davam edən meşə yanğınlarından danışarkən, bu dəfə Yaponiyada yanğın panikası yaşanıb.
Hakimiyyət orqanlarının verdiyi məlumata görə, yanğın yerli vaxtla saat 09:40 radələrində Xirosima prefekturasının Etajima şəhərindəki meşəlik ərazidə baş verib. Ölən və ya yaralananın olmadığı bildirilib.
Yanğın zamanı Özünümüdafiə Qüvvələrinə (SDF) məxsus atış poliqonunun sərhədləri daxilində partlayıcı təlimlərin keçirildiyi qeyd edilib.
Polis yanğının dəqiq səbəbini və sahədəki hərbi təlimlə bağlı olub-olmadığını müəyyən etmək üçün araşdırmalara başlayıb.
Aybəniz Səfərova
08:56 17.01.2025
Oxunuş sayı: 2278
