Makrondan "böhranlarla sarsılmış" ölkəyə qəfil səfər
Fransa Prezidenti Emmanuel Makron dörd illik fasilədən sonra ilk rəsmi səfəri çərçivəsində böhranlarla sarsılmış Livana gəlib.
Onun Livanın yeni Prezidenti Cozef Avn ilə görüşü planlaşdırılır.
Bu barədə Crossmedia.az ABŞ-ın “Associated Press” agentliyinə istinadən xəbər verir.
Makronu Livanın paytaxtı Beyrutdakı Beynəlxalq Hava Limanında Baş nazir Nəcm Mikati qarşılayıb. Daha sonra İsraillə sərhəddə yerləşən Birləşmiş Millətlər Təşkilatının sülhməramlı missiyasında xidmət edən fransız hərbçiləri ziyarət etmək üçün ölkənin cənub bölgəsinə hərəkət edəcəyi gözlənilir.
Hava limanında jurnalistlərə açıqlama verən Makron bu səfərinin məqsədini “Minnətdarlıq mesajı” olaraq xarakterizə edib.
Qeyd edək ki, Makron səfərdən öncə Səudiyyə Ərəbistanının vəliəhd şahzadəsi Məhəmməd bin Salmanla da görüş keçirib.
Livan ilə İsrail arasında imzalanmış atəşkəs sazişi 2024-cü il noyabrın 27-də yerli vaxtla saat 04:00-da (Bakı vaxtı ilə 05:00) qüvvəyə minib.
Gültac Mehdizadə
08:45 17.01.2025
Oxunuş sayı: 17166
