Türkiyədə antiterror əməliyyatı: 18 nəfər saxlanıldı
Türkiyənin Şanlıurfa şəhərində təşkil edilən antiterror əməliyyatında 18 nəfər saxlanılıb.
Crossmedia.az türk mətbuatına istinadən xəbər verir ki, Şanlıurfa Respublika Prokurorluğunun təlimatı ilə Terrorla Mübarizə (TEM) İdarəsi koordinasiyasında MİT, İl Jandarma Komandanlığı TEM və Kəşfiyyat Şöbə Müdirliyi qrupları terror təşkilatı PKK-KCK/PYD-yə qarşı əməliyyat keçirib.
Şanlıurfa, Şırnak, Diyarbəkir və Yalovada eyni vaxtda keçirilən əməliyyatlarda "terror təşkilatına yardım etmək və terror təşkilatının təbliğatını aparmaq"da şübhəli bilinən 18 nəfər tutulub.
Şübhəlilərin ünvanlarında aparılan axtarışlar zamanı çoxlu sayda rəqəmsal material ələ keçirilib.
Aybəniz Səfərova
08:19 17.01.2025
Oxunuş sayı: 2282
