Yanğında evindən didərgin düşənlər bir həftə ərzində qayıda bilməyəcək
Los-Ancelesdə baş verən dağıdıcı meşə yanğınları səbəbindən on minlərlə insan öz evlərini tərk etməyə məcbur olub. Rəsmilər bildirib ki, evakuasiya olunanların azı bir həftə ərzində evlərinə qayıtmasına icazə verilməyəcək. Bunun əsas səbəbi elektrik zərbəsi, sürüşmələr və toksik materiallarla təmas riski olaraq göstərilib.
Crossmedia.az "France24"ə istinadən xəbər verir ki, evakuasiya olunanlar arasında narazılıq artıb. Onlar, hətta yanğından xilas olmuş evlərə belə qayıda bilmədiklərinə görə qəzəbli olduqlarını bildirirlər.
Rəsmilər vəziyyətin hələ də təhlükəli olduğunu bildirirlər. İki böyük yanğında 40,000 akr (16,000 hektar) ərazi külə dönüb. Elektrik, qaz və kanalizasiya xətləri zədələnib, ətraf toksik tullantılarla doludur. Bundan əlavə, sürüşmə və torpaq qayıntıları təhlükəsi artmaqdadır.
Qeyd edək ki, küləkli havanın təsiriylə yayılan yanğınlar nəticəsində azı 27 nəfər həyatını itirib. Yanğınlar əsasən varlıların yaşadığı Pasifik Palisades bölgəsi və daha qarışıq bir icma olan Altadena ərazisinə ciddi zərər vurub.
Fidan Hacızadə
06:15 17.01.2025
Oxunuş sayı: 1946
