Yaponiya NATO-da daimi nümayəndəlik açıb
Yaponiya hökuməti NATO-ya yeni missiya və səfir təyin edib.
Crossmedia.az xəbər verir ki, hökumət NATO qərargahının yerləşdiyi Belçikada 2018-ci ildə səfirlik nəzarətində bir nümayəndəlik açmışdı.
Yeni missiyanın yaradılması Yaponiya ilə alyans arasında, xüsusilə Rusiyanın Ukraynaya müdaxiləsindən və digər təhlükəsizlik məsələlərindən sonra, daha sıx əlaqələr qurmağa olan ehtiyacın bir hissəsidir.
İzava Osamu NATO Baş katibi Mark Rutte-yə etimadnaməsini təqdim edərək rəsmi olaraq missiyanın səfiri vəzifəsini icra etməyə başlayıb.
NATO-nun dörd Hind-Sakit okean tərəfdaşı – Yaponiya, Cənubi Koreya, Avstraliya və Yeni Zelandiya var. Alyans indiyə qədər onları üç sammit görüşünə dəvət edib.
Yaponiya bu ölkələr arasında NATO-ya tam ştatlı səfir təyin edən ilk ölkə olub.
NATO NHK-ya bildirib ki, İzavanın təyinatı alyansla Yaponiya arasında uzunmüddətli və dəyərli tərəfdaşlığın daha bir konkret nümunəsidir.
Açıqlamada NATO ilə Yaponiyanın "Çinin genişmiqyaslı hərbi quruculuğu və Hind-Sakit okeandakı sabitliyi pozan fəaliyyətlərdən narahatlıq keçirdikləri" qeyd edilib və tərəfdaşlığın daha da inkişaf etdiriləcəyi vurğulanıb.
Nabat Fərzəliyeva
16:47 16.01.2025
Oxunuş sayı: 5918
