Zelenski Avropanı qınadı: “Həqiqəti qəbul etmək istəmirlər”
Ukrayna Prezidenti Volodimir Zelenski Avropaya xəbərdarlıq edib.
Crossmedia.az xarici KİV-ə istinadən xəbər verir ki, o, Avropa ölkələrinin rəsmi Kiyevsiz Rusiyaya qarşı heç bir şansı olmadığını bildirib.
Onun sözlərinə, Ukraynanın qələbəsi Avropa üçün həyati əhəmiyyətlidir:
"Ukrayna ordusu olmadan Avropa Rusiya ordusuna qarşı dura bilməyəcək. Çünki Rusiyanın daha çox silahı, daha çox qüvvəsi var”.
O əlavə edib ki, Ukrayna qüvvələri olmadan Avropanın heç bir şansı yoxdur və Rusiya Prezidenti Putin bunu bilir və öz dairələrində bu haqda danışır.
"Buna görə də, əgər Ukrayna özünü müdafiə etməsə, Rusiya tez bir zamanda irəliləyəcək, bu faktdır. Mən buna tam əminəm" - deyə Zelenski vurğulayıb.
O, Ukraynanın təxminən bir milyonluq hərbçiyə malik olduğunu xatırladıb.
Zelenski bildirib ki, Ukraynanın Qərbdəki müttəfiqləri Rusiya prezidentinin genişlənmə ambisiyalarının miqyasını dərk etmirlər, halbuki Şimali və Baltikyanı ölkələr, Polşa və Rumıniya bunu çoxdan qəbul edib: “Qərb ruslar haqqında yalnız bir həqiqəti qəbul etmək istəmir: onlar daha da irəliləmək istəyirlər. Bu fakt bütün sualların cavabını ehtiva edir. Niyə ordumuz üçün daxili istehsalı artıraraq Ukraynanı mümkün qədər gücləndirməyək”.
Qeyd edək ki, ABŞ-nin yeni seçilmiş prezidenti, Rspublikaçıların lideri Donald Tramp dəfələrlə Ukraynaya yardımı əhəmiyyətli dərəcədə azaltmaq və müharibəni tez bir zamanda bitirmək niyyətində olduğunu bəyan edib.
Fatimə Məmmədova
12:15 16.01.2025
Oxunuş sayı: 5360
