Fransa və Britaniyadan müştərək addım: Ukraynada post-müharibə dövrünə hazırlıq
Fransa və Britaniya mümkün atəşkəs razılaşmasından sonra Ukraynaya qoşun göndərməyi müzakirə edirlər.
Crossmedia.az xəbər verir ki, bu barədə xarici KİV məlumat yayıb.
Bildirilib ki, Qərb liderləri Kiyevin nəzarətində qalan ərazini Rusiyanın gələcək hücumlarından qorumaq barədə düşünür.
Bu ideyanı ən çox irəli sürən Fransa Prezidenti Emmanuel Makrondur. Britaniya hakimiyyəti isə hələ də onun həyata keçirilməsinə şübhə ilə yanaşır. Rəsmi Londonun mövqeyinə görə, bunun üçün minlərlə britaniyalı əsgərin yerləşdirilməsi lazımdır.
Ukraynanın qalan ərazisi üzərində uçuşa qadağa zonasının yaradılması və onun necə təşkil oluna biləcəyi ilə bağlı müzakirələr gedir.
Atəşkəsdən sonra Avropa qoşunlarının Ukraynaya yerləşdirilməsinin mümkün ssenarisinə aşağıdakı məqamlar daxildir:
Avropa sülhməramlı qüvvələri donmuş təmas xətti boyunca yerləşir;
Ukrayna Silahlı Qüvvələrini paytaxtın mühafizəsindən azad etmək və onları cəbhə xəttində mümkün irəliləyişlərin qarşısını almağa yönəltmək üçün Kiyevdə NATO bölmələri yerləşdirilir;
Ukraynanın qərbində, Polşada yerləşən hava hücumundan müdafiə sistemlərinin mühafizəsi altında NATO qoşunlarının cəlb edilməsi ilə Ukrayna ordusunun təlimi prosesi başlayır.
Faktiki olaraq, Qərb liderləri Ukrayna Silahlı Qüvvələrinin hissələrini arxa cəbhədən cəbhə xəttinə göndərmək üçün Ukrayna ərazisinə NATO qoşunlarını və infrastrukturunu yerləşdirməyi planlaşdırır. Bu, mümkün atəşkəsə qədər reallaşmalıdır.
11:39 16.01.2025
Oxunuş sayı: 5540
