Dünya liderlərinin Qəzzada atəşkəsə REAKSİYALARI
İsraillə HƏMAS arasında atəşkəs və əsir mübadiləsi barədə razılıq əldə edilib.
Bu barədə Crossmedia.az “HaberGlobal”a istinadən xəbər verir.
Atəşkəs 19 yanvarda başlayacaq. İlk mərhələdə İsrail qüvvələri Qəzzadan tədricən çıxacaq, məcburi köçkünlər isə öz evlərinə qayıdacaqlar. Razılaşmanın növbəti mərhələləri isə 16-cı gündə müzakirə olunacaq. Məqsəd bütün əsirlərin azad olunması və İsrail ordusunun tamamilə geri çəkilməsidir.
Razılaşmadan sonra dünya liderləri açıqlamalar verib.
Almaniya kansleri Olaf Şolts atəşkəsi müharibənin qalıcı dayandırılması və humanitar vəziyyətin yaxşılaşdırılması üçün fürsət adlandırıb.
Fransa Prezidenti Emmanuel Makron Qəzza xalqı üçün bu xəbərin böyük rahatlıq gətirdiyini bildirib və siyasi həll çağırışı edib.
Misir Prezidenti Əbdülfəttah əs-Sisi isə bu razılığın ABŞ, Qətər və Misirin vasitəçiliyi ilə əldə olunduğunu vurğulayıb.
İspaniya Baş naziri Pedro Sançes razılaşmanı bölgə üçün həlledici addım adlandırıb və iki dövlətli həllin vacibliyini qeyd edib.
Gültac Mehdizadə
09:03 16.01.2025
Oxunuş sayı: 1900
