Novqorodun “Knyaz Vandal” dronu NATO-ya 300 milyon dollar zərər vurub
Novqorodun “Uşkuynik” Elmi-İstehsalat Mərkəzinin hazırladığı optik lifli FPV-dron “Knyaz Vandal Novqorodski” xüsusi hərbi əməliyyat zonasında NATO texnikasına 300 milyon dollar dəyərində ziyan vurub.
Crossmedia.az bildirir ki, bu barədə Novqorod vilayətinin qubernatoru Andrey Nikitin illik müraciəti zamanı məlumat verib.
“Bu il xüsusi hərbi əməliyyatın qəhrəmanlarına və onların yaxınlarına dəstəyi davam etdirəcəyik. Böyük Qələbənin yubileyini isə xüsusi birlik və qürur hissi ilə qeyd edəcəyik. Bizim həm cəbhədə, həm də arxa cəbhədə qürur duyacağımız çox şey var. Məsələn, cəmi bir ilə “Knyaz Vandal” kimi uğurlu döyüş dronunu sıfırdan hazırlayan mühəndislər. Bu dron artıq NATO texnikasına 300 milyon dollardan çox ziyan vurub. Yenə də döyüş meydanlarında nasist tankları yanır və onları yandıranlar arasında novqorodlular da var”, – deyə Nikitin bildirib.
“Uşkuynik” mərkəzinin direktoru Aleksey Çadayev daha əvvəl bildirib ki, dronun istehsalı Rusiyanın bir neçə regionunda lisenziya əsasında həyata keçiriləcək. Hətta xüsusi hərbi əməliyyat zonasında yığma laboratoriyalar təşkil olunacaq.
Avqust 2024-cü ildə sınaqdan keçirilən “Knyaz Vandal” dronu radioelektron mübarizə vasitələrinə qarşı davamlıdır və müxtəlif tapşırıqları yerinə yetirə bilir. “Uşkuynik” mərkəzi Böyük Novqorodda yerləşir və müasir mülki dron sistemləri ilə yanaşı, əleyhinə texnologiyaların inkişafı üzrə ixtisaslaşıb.
Gültac Mehdizadə
17:48 15.01.2025
Oxunuş sayı: 3792
