Fransada Əlcəzairə qarşı dezinformasiya kampaniyası tənqid olunur
Son günlərdə Fransada bəzi siyasətçilərin Əlcəzairə qarşı hücumları və dezinformasiya kampaniyası geniş tənqidə səbəb olub.
Crossmedia.az xəbər verir ki, Fransa hökumətinin keçmiş naziri Ségolène Royal ölkəsinin kolonializm dövründə törətdiyi cinayətlərə görə Əlcəzair qarşısında mənəvi borcunun olduğunu bildirib. O, kolonializmi “dəhşətli” adlandıraraq, Fransanın Əlcəzairin sərvətləri hesabına zənginləşdiyini qeyd edib və diplomatik münasibətlərin qarşılıqlı hörmət üzərində qurulmasını təklif edib.
Fransanın solçu partiyası La France Insoumise bəzi nazirlərin, o cümlədən Bruno Retailleau-nun Əlcəzairə qarşı aqressiv ritorikasını tənqid edərək, bu cür yanaşmanın ikitərəfli əlaqələrə zərər verəcəyini bildirib. Partiya münasibətlərin neokolonializmdən uzaq, qarşılıqlı hörmət əsasında qurulmasının vacibliyini vurğulayıb.
Əlcəzair və Fransa münasibətlərinin yenidən qurulması federasiyası da prezident Emmanuel Makronun Əlcəzairə qarşı siyasətini kəskin tənqid edib. Federasiya Makronun kolonializm praktikasını xatırladan hərəkətlərini pisləyib və beynəlxalq münasibətlərdə müdaxilənin yolverilməz olduğunu qeyd edib.
Gültac Mehdizadə
16:06 15.01.2025
Oxunuş sayı: 2887
