Avropa Şurası: Gürcüstan üçün viza rejiminin dayandırılması prosesi davam edir
Avropa İttifaqı Gürcüstan hakimiyyətinin həyata keçirdiyi tədbirlərlə bağlı ciddi narahatlığını bir daha ifadə edir.
Crossmedia.az xəbər verir ki, xarici təsirin şəffaflığı haqqında qanunun qəbul edilməsi və Avropa İttifaqının əsaslandığı dəyərlər, prinsiplərə zidd olan digər qanunvericilik aktları bu narahatlıqlar arasındadır.
Bu kimi addımlar Gürcüstanın Avropa yolunu təhlükə altına atır və faktiki olaraq qoşulma prosesinin dayandırılmasına gətirib çıxarır.
"Gürcüstan hökumətinin 2028-ci ilə qədər ölkənin Avropa İttifaqına üzvlük prosesini dayandırmaq qərarını təəssüflə qarşılayırıq."
"Biz Gürcü xalqı və onların Avropa gələcəyini seçimi ilə bir yerdəyik. Avropa İttifaqının qapıları açıqdır və Gürcüstanın Avropa dəyərlərinə və Avropa İttifaqına üzvlük yoluna qayıtması Gürcüstan rəhbərliyinin əlindədir. Gürcüstan hakimiyyətini təcili olaraq Avropa yoluna qayıtmağa və Avropa inteqrasiyasının əsas prinsiplərinə uyğun olaraq demokratik, əhatəli və dayanıqlı islahatlar qəbul etməyə çağırırıq," Avropa Şurası bildirib.
Nabat Fərzəliyeva
14:47 15.01.2025
Oxunuş sayı: 3253
