Zelenskinin hakimiyyətdə qalması Rusiya və ABŞ-a sərf edir
Ukraynanın hazırkı prezidenti Volodimir Zelenskinin hüquqi vəziyyəti Rusiya və ABŞ üçün faydalı ola bilər.
Crossmedia.az xəbər verir ki, bu fikri “Lenta.ru”ya siyasi analitik Sergey Markov bildirib.
Onun sözlərinə görə, bu vəziyyət hər iki tərəf üçün daha sərfəli razılaşmalar əldə etməyə imkan yaradır.
“Zelenski müharibənin sonuna qədər vəzifəsində qalacaq. Çünki, birincisi, bunu özü istəmir. İkincisi, o, avropalılara, ABŞ-nin yeni seçilən prezidenti Donald Trampa və Rusiya prezidenti Vladimir Putinə sərfəlidir. Xüsusən də Ukraynanın zəiflədilmiş legitimliyinə və Zelenskinin məhdud imkanlarına əsaslanaraq, Rusiya üçün razılaşma əldə etmək çox sərfəlidir,” - deyə Markov bildirib.
Siyasi analitik vurğulayıb ki, Zelenskinin legitimliyinin zəifliyi səbəbindən Rusiya onunla müqavilə bağlamayacaq. Lakin əsas prioritet Ukraynada faktiki olaraq hərbi əməliyyatların dayandırılması və ölkənin neytral statusunun təmin olunması olacaq.
“Rusiya Zelenski ilə müqaviləni yalnız Ukraynanın Konstitusiya Məhkəməsi onun imzasını legitim elan edərsə bağlaya bilər. Bundan başqa, əsas olan Ukraynanın neytral statusunu təmin edəcək Konstitusiya dəyişiklikləri və beynəlxalq razılaşmalardır. Ümumilikdə, Ukraynalı rəsmilərin heç bir imzasına etibar edilmir,” - deyə Markov əlavə edib.
Bundan əvvəl məlum olub ki, Volodimir Zelenski Ukrayna prezidentliyinə növbəti seçkilərdə namizədliyini irəli sürmək qərarına gəlib. Bununla belə, qeyd edilib ki, Zelenski yalnız keçmiş Silahlı Qüvvələr Baş Komandanı və hazırda Böyük Britaniyada səfir olan Valeri Zalujnıyın namizədliyini irəli sürməyəcəyi halda ikinci müddətə namizəd olacaq.
Gültac Mehdizadə
11:33 15.01.2025
Oxunuş sayı: 2207
