İranda təlim təyyarəsi qəzaya uğrayıb, ölənlər var
İranın şimalındakı Gilan əyalətinin Rəşt şəhəri yaxınlığında təlim təyyarəsi texniki nasazlıq səbəbindən qəzaya uğrayıb. Nəticədə 3 ekipaj üzvü həyatını itirib.
Crossmedia.az xarici KİV-ə istinadən xəbər verir ki, İran Polisinin İctimaiyyətlə Əlaqələr Bölməsi Rəşt şəhəri yaxınlığında təlim təyyarəsinin qəzaya uğraması ilə bağlı açıqlama verib.
Açıqlamada qeyd edilib ki, Rəşt şəhəri yaxınlığında qəzaya uğrayan yüngül tipli təlim təyyarəsində pilot, ikinci pilot və uçuş mühəndisindən ibarət üç nəfərlik ekipaj üzvü həyatını itirib.
Qəzaya səbəbin texniki nasazlıq olduğu bildirilsə də, təyyarənin modeli ilə bağlı məlumat paylaşılmayıb.
Aybəniz Səfərova
09:44 15.01.2025
Oxunuş sayı: 3031
