İsrail Qəzzada 2 evə hücum etdi: 18 fələstinli həlak oldu
İsrail ordusuna məxsus döyüş təyyarələri Qəzza Zolağının mərkəzi və cənubunda yerləşən 2 evə hücum edərək 18 fələstinlinin ölümünə və çox sayda insanın yaralanmasına səbəb olub.
Crossmedia.az TRT Haber-ə istinadən xəbər verir ki, İsrail döyüş təyyarələrinin insanların evlərini hədəf alması nəticəsində 13 nəfər həyatını itirib, çox sayda insan yaralanıb.
Eyni zamanda, İsrail döyüş təyyarələrinin Qəzza Zolağının cənubunda yerləşən məhəllədə evin bombalanması nəticəsində bir qadın və dörd uşaq həyatını itirib, çox sayda insan yaralanıb.
Qəzzadakı Səhiyyə Nazirliyinin məlumatına görə, İsrailin Qəzza Zolağına etdiyi hücumlarda ölənlərin sayının 46.645-ə, yaralıların sayının isə 110.12-yə yüksəldiyi bildirib.
Qeyd edək ki, hələ də dağıntılar altında və yol kənarlarında meyitlər var. Lakin İsrail qüvvələrinin maneə törətməsi səbəbindən tibb qrupları və mülki müdafiə işçiləri cəsədlərə çata bilmir.
Fatimə Məmmədova
06:24 15.01.2025
Oxunuş sayı: 6194
