İran-Ermənistan Parlamentlərarası Dostluq Qrupunun nümayəndə heyəti İrəvana səfər edib
İran parlamentinin İran-Ermənistan Parlamentlərarası Dostluq Qrupunun nümayəndə heyəti İrəvana üç günlük səfərə yollanıb.
Crossmedia.az ISNA-ya istinadla xəbər verir.
Məlumata görə, İran-Ermənistan Parlamentlərarası Dostluq Qrupunun rəhbəri, erməni millət vəkili Ara Şaverdiyan nümayəndə heyəti ilə birlikdə erməni həmkarı Narek Babayanın dəvəti ilə bu ölkəyə yola düşüb.
Bildirilib ki, nümayəndə heyətini İranın İrəvandakı səfiri Mehdi Sübhani və Ermənistan parlamentinin İran-Ermənistan Parlamentlərarası Dostluq Qrupunun sədri Narek Babayan qarşılayıb.
Qeyd olunub ki, İran nümayəndə heyəti səfər zamanı Ermənistan rəsmiləri, parlament nümayəndələri ilə görüşərək, iki ölkə arasındakı əməkdaşlıq sahələrini müzakirə edəcək.
16:16 13.01.2025
Oxunuş sayı: 3627
