İsrail qəzzalıları işgəncəyə məruz qoyur: "Cəhənnəmdə yaşayırıq"
İsrailin Qəzzada saxladığı fələstinliləri Neftali düşərgəsi və Negev həbsxanasında işgəncəyə məruz qoyduğu üzə çıxıb.
Crossmedia.az TRT Haber-ə istinadən xəbər verir ki, yanvarın 8-də Negev həbsxanası və Neftali düşərgəsində ziyarət edilən 23 fələstinlinin ifadəsinə görə, İsrail həbsxanalarındakı fələstinlilər işgəncə, pis rəftar, ac saxlanılma, tibbi baxımsızlıq, ağır döyülmə və təzyiqlərə məruz qalır, məhbuslar arasında qaşınma xəstəliyi yayılıb.
Negev və Ofer başda olmaqla İsrail həbsxana və düşərgələrinin əksəriyyətində saxlanılanların ifadələrinin eyni səviyyədə sistematik işgəncə və vəhşiliyi əks etdirdiyi bildirilib.
2023-cü ilin dekabrından bəri həbsdə olan 45 yaşlı K.N deyib: "Saxlanıldığımdan bu yana məndən etiraf almaq məqsədilə ağır döyülmüşəm, bədənimdə sınıqlar yaranıb. Qəzzanın yaxınlığındakı bir hərbi düşərgədə 58 gün saxlanıldım. Negev həbsxanasına köçürüləndə, mühafizəçilərin üzərimə elektrikli su qızdırıcısından qaynar su atması nəticəsində bədənimdə yanıqlar yarandı, izləri hələ də görünür".
Fatimə Məmmədova
12:10 13.01.2025
Oxunuş sayı: 3306
