Qrenlandiya və Panama güc yoluyla ABŞ-yə birləşdiriləcək? – Trampın nümayəndəsindən maraqlı açıqlama
ABŞ-ın seçilmiş prezidenti Donald Trampın Milli Təhlükəsizlik Müşavirliyinə namizədliyini irəli sürdüyü Mayk Vals Tramp və Putin arasında planlaşdırılan görüşə hazırlıqların davam etdiyini bildirib.
Crossmedia.az "Hürriyyət"ə istinadən xəbər verir ki, o bu barədə "ABC News"a verdiyi açıqlamasında deyib.
Vals, Trampın Rusiya-Ukrayna müharibəsinin tezliklə sona çatması üçün addımlar atacağını qeyd edib.
"Trampın fikrincə qarşı tərəflə əlaqə və dialoq qurmadan razılığa gələ bilməzsiniz. Önümüzdəki aylarda bu əlaqələri mütləq quracağıq" - deyə əlavə edib. Vals atəşkəsin hər iki tərəf üçün son dərəcə müsbət addım olacağını qeyd edib.
Vals həmçinin Qəzzada əsirlərin azad edilməsinə dair razılaşma üçün danışıqların davam etdiyini bildirərək əlavə edib ki, Tramp əsirlərin azad edilməsinə çox ciddi yanaşır. Buna görə də Trampın andiçmə mərasimindən öncə razılaşma əldə olunmalıdır deyə bildirib.
Trampın Qrenlandiya və Panama kanalında hərbi gücdən istifadə etmək qərarında ciddi olub-olmadığı haqqında verilən suallara da cavab verib. O bildirib ki, yeni seçilmiş ABŞ prezident, ABŞ-nin Arktik bölgədə qarşı-qarşıya qaldığı təhlükələri çox ciddiyə alır.
Tramp Floridadakı Respublikaçı qubernatorlarla görüşdən sonra mətbuata verdiyi açıqlamada Putinin onunla görüşmək istədiyini bildirib.
"O (Putin) mənimlə görüşmək istəyir; biz bu görüşü təşkil edirik. Biz bu müharibəni bitirməliyik. Bu, çox qanlı müharibədir" - deyə Tramp açıqlamasında bildirib. Lakin sözügedən görüşün nə vaxt keçiriləcəyi ilə bağlı əlavə məlumat verilməyib. Kremlin sözçüsü Dmitri Peskov da Putinin Trampla görüşməyə hazır olduğunu bildirib.
Tərlan Əmrahova
09:59 13.01.2025
Oxunuş sayı: 17225
