Gələcəyin pulu: Bitcoin yenidən zirvəyə çatıb
Günümüzdə gələcəyin pulu kimi təqdim olunan kripto valyutalar gündəmdəki yerini qorumağa davam edir. Son aylarda Bitcoin-in ardıcıl rekord səviyyələrə çatdığına şahid oluruq. Hər nə qədər bu yüksəliş son günlərdə azalaraq geriləsə də, kripto valyutaların müəyyən səviyyədə sabitliyini qoruduğunu söyləmək mümkündür. Bəs, hazırda Bitcoin-in dəyəri nə qədərdir?
Qeyd: Bu xəbərdəki məlumatlar sərmayə məsləhəti kimi qəbul edilməməlidir, yalnız kripto valyutanın son vəziyyəti haqqında məlumat vermək məqsədilə hazırlanmışdır.
Bitcoin 17 dekabrda 108 min dollara çataraq tarixinin ən yüksək səviyyəsinə yüksəldi. Bu vəziyyət sərmayəçilər üçün həyəcanverici idi, lakin kripto valyuta bu səviyyədə uzun müddət dayanmadı. Növbəti bir neçə gün ərzində 100 min dollar civarında ticarət olunan kripto valyuta, 19 dekabrda isə 100 min dolların altına düşdü.
19 dekabrdan sonra kripto valyuta dəfələrlə 100 min dollar səviyyəsini yenidən test etsə də, bir daha bu səviyyəyə çata bilmədi. Xüsusilə, 30 dekabrda 91 min dollara qədər geriləyən aktiv, daha sonra müəyyən qədər bərpa olunsa da, hələ də bu səviyyədən uzaqdır. Kripto valyutanın bu məqalənin yazıldığı andakı cari dəyəri isə 94 min 142 dollardır.
Kripto valyuta bazarındakı dəyişkənliyin ən mühüm səbəblərindən biri ABŞ prezident seçkiləri kimi göstərilir. 2017-2021-ci illər arasında ABŞ Prezidenti vəzifəsində çalışan Donald Tramp, dörd illik fasilədən sonra yenidən prezident kreslosuna oturdu. Rəqibi Kamala Harris-i məğlub edən Tramp, ABŞ-ın 47-ci prezidenti oldu. Mütəxəssislərə görə, Trampın bazarlara təsiri bir müddət daha davam edəcək.
Emil Nağızadə
09:02 13.01.2025
Oxunuş sayı: 5027
