Kaliforniya xəyalları yanıb kül olur
Crossmedia.az The New York Times-a istinadən xəbər verir ki, "Əziz ana və ata: ailə, xatirələr və bir zamanlar tanıdığımız Amerika haqqında məktub" kitabının müəllifi Patti Davis Kaliforniyanın cəhənnəmə dönməsini təsirli dillə insanlara çatdırıb:
"İnsanların Los-Ancelesdə yaşaya bilməyəcəklərini, çünki fəsillərin dəyişməsini darıxacaqlarını dediklərini eşitmişəm. Amma uşaqlığımın çox hissəsini Malibudakı bir fermada keçirdiyim üçün qış aylarında gələn fırtınaların, torpağın yaşıllaşıb bol və canlı hala gəlməsinin, sonra isə baharda vəhşi rənglərə bürünüb şirin qoxularla dolmasının, yayın istilərində torpağın qəhvəyi və quru bir hal almasının, payızda isə havanın sərinləyib ağaclardan narıncı yarpaqların düşərək yerə xalça kimi sərilməsinin şahidi olmuşam
Orada palıd ağaclarının meşələri, sonsuz yaşıl otlaqlar və hər il ördəklərin yuva qurduğu bir gölməçə vardı. Gölməçənin sahilində balaca qurbağalar tullanırdı. Onlardan bəzilərini əlimə götürüb, yenidən palçığa tullandıqlarında gülərdim. Oktyabr və noyabr aylarında küləklər şiddətləndiyində, fermanın bəzi yerləri bir neçə dəfə yanıb kül olmuşdu. Amma sonra yağışlar yağır və torpaq özünü bərpa edirdi.
Həftə sonlarını fermada keçirirdik. Həftə içində isə sakitliyi ilə sanki şəhərin səs-küyündən və hərəkətliliyindən gizlənən bir sığınacaq kimi görünən Pacific Palisades-də yaşayırdıq".
Yazıçı son olaraq artıq Los -Ancelesin əvvəlki kimi olmadığını qeyd edib:
"Amma bu da Los-Anceles idi. İndi o dünya artıq mövcud deyil".
Fatimə Məmmədova
15:19 12.01.2025
Oxunuş sayı: 5107
