Qara dənizdə mazut sızmasının aradan qaldırılması üçün qərargah yaradılıb.
Crossmedia.az TASS-a istinadən xəbər verir ki, Rusiya Fövqəladə Hallar Nazirliyinin (FHN) rəhbəri Aleksandr Kurenkov prezident Vladimir Putinin tapşırığı ilə Qara dənizdə mazut sızmasının nəticələrinin aradan qaldırılması məqsədilə federal qərargah yaradıb.
Belə ki, Kurenkov və müxtəlif federal qurumların nümayəndələrindən ibarət qərargah üzvləri Anapa şəhərinə gəliblər. Federal operativ qərargah mazut sızmasının nəticələri tam aradan qaldırılanadək fəaliyyət göstərəcək.
Putin, Qara dənizdə mazut sızmasının zərərini minimuma endirmək üçün kifayət qədər iş görülmədiyini bildirib. O, hadisə yerində birbaşa fəaliyyət göstərəcək qərargah yaradılmasını tapşırıb. Həmçinin, neft məhsullarının batmış tankerlərdən sızmasının qarşısının alınması və onların suyun dibindən qaldırılması planının hazırlanmasını vacib hesab edib.
Qeyd edək ki, 9 min tonadək mazut daşıyan iki tankerin qəzaya uğraması hadisəsi dekabrın 15-də baş verib.
Fatimə Məmmədova
10:12 12.01.2025
Oxunuş sayı: 2323
