Çin ordusunun gəmiləri və təyyarələri Tayvana yaxınlaşdı
Tayvan Silahlı Qüvvələri son sutka ərzində Çin Xalq Azadlıq Ordusuna (ÇXAO) məxsus 8 təyyarə və 6 gəminin adaya yaxınlaşdığını qeydə alıb. Crossmedia.az xəbər verir ki, bu barədə Tayvan Müdafiə Nazirliyi X sosial şəbəkəsində məlumat yayıb.
Bildirilib ki, 7 təyyarə orta xətti keçərək Tayvanın şimal və cənub-qərb hava hücumundan müdafiə (HHM) zonasına daxil olub. Nazirlik situasiyanı izlədiklərini və adekvat tədbirlər gördüklərini vurğulayıb.
Xatırladaq ki, yanvar ayının əvvəlində Tayvan Müdafiə Nazirliyi ÇXR-ə məxsus 24 təyyarə və 7 gəminin adaya yaxınlaşdığını bildirmişdi. Həmin vaxt 18 təyyarə orta xətti keçərək şimal, cənub-qərb və şərq HHM zonalarına daxil olmuşdu.
Emil Bağızadə
09:01 12.01.2025
Oxunuş sayı: 10348
