Mariya Zaxarova ABŞ rəsmilərini ikiüzlü adlandırdı
Crossmedia.az xarici KİV-ə istinadən xəbər verir ki, Rusiya Xarici İşlər Nazirliyinin sözçüsü Mariya Zaxarova ABŞ-nin Kaliforniya ştatında yanğınların söndürülməsi üçün yüzlərlə məhbusun səfərbər edilməsi barədə məlumatları şərh edib və qarşı tərəfi ikiüzlü adlandırıb.
Zaxarova bildirib ki, son illərdə ABŞ rəsmiləri Çini məcburi əməkdən istifadə etməkdə dəfələrlə ittiham edib.
“Bu məntiqi bir sual yaradır: görəsən, Konqres Kaliforniya hakimiyyət orqanlarına, özəl şirkətlərə və adi amerikalılara məhbus əməyi istifadə etdiklərinə görə sanksiyalar tətbiq etməyi nəzərdə tutan qanun layihəsi hazırlayacaqmı?” – deyə o, sual verib.
“Biz artıq bu ikiüzlülükdən yorulmuşuq”! – Zaxarova əlavə edib.
Fatimə Məmmədova
06:41 12.01.2025
Oxunuş sayı: 9356
