Bloomberg: Trampın Ağ Evə qayıtması Şoltsa seçkidə kömək edə bilər
ABŞ-ın yeni seçilmiş prezidenti Donald Trampın Ağ Evə qayıdışı Almaniya kansleri Olaf Şoltsun yenidən prezident seçilmə şansını artıra və Xristian Demokrat İttifaqının (XDİ) lideri, kanslerliyə namizəd Fridrix Merzin seçilməsinə mane ola bilər. Crossmedia.az bu barədə Bloomberg-ə istinadən məlumat verir.
Onun sözlərinə görə, Merzin müşavirləri səbirsizliklə Trampın yanvarın 20-də inauqurasiyasını gözləyirlər və inanırlar ki, bu hadisə dönüş nöqtəsi olacaq. Seçkidə balans dəyişə və Şoltsdan demokratiyanın müdafiəçisi obrazı yaradıla bilər.
Solts Almaniya Sosial Demokrat Partiyasının (SDP) federal qurultayında özünü "Amerika ritorikasına qarşı demokratik dəyərlərin müdafiəçisi" kimi təqdim edə bilib. Trampın Qrenlandiya ilə bağlı iddialarını şərh edən Şolts deyib ki, Qərb dəyərlərinə görə, "sərhədlər toxunulmaz olmalıdır" və "heç bir ölkə başqasının həyəti deyil".
Eyni zamanda, həm XDİ, həm də SDP üzvləri Almaniya üçün Alternativ (AfD) partiyasının və onun həmsədri Alice Veidelin artan populyarlığından narahatdırlar. Qeyd edildiyi kimi, buna AfD-yə İlon Mask tərəfindən verilən dəstək də kömək edir.
Dekabrın sonunda Almaniya prezidenti Frank-Valter Ştaynmayer Bundestaqda kanslere etimadsızlıq səsverməsindən sonra parlamenti buraxmaq qərarına gəlib və növbədənkənar seçkiləri 23 fevral 2025-ci il tarixinə təyin edib.
23:59 11.01.2025
Oxunuş sayı: 14057
