Özbəkistanda daxili nəqliyyat və logistika xidmətlərinin artımına dəstək
Özbəkistan nəqliyyat və logistika sektorunda yük daşıma xidmətləri göstərən yerli şirkətlərin payını artırmağa hazırlaşır.
Crossmedia.az xarici KİV-ə istinadən xəbər verir ki, bu barədə qərar prezident Şavkat Mirziyoyevin sədrliyi ilə keçirilən iclasda qəbul edilib. Hazırda yük daşıma xidmətlərinin əhəmiyyətli hissəsi Özbəkistanda xarici şirkətlər tərəfindən həyata keçirilir.
Hökumət bəyan edib ki, beynəlxalq daşımalarda yerli yük daşıma şirkətlərinin xidmətlərinə əlavə dəyər vergisi (ƏDV) artıq tətbiq edilməyəcək. Bu təşəbbüs yerli şirkətlərin sektordakı payını 45-50 faizə çatdırmağı hədəfləyir.
Görüşdə Özbəkistan üzərindən tranzit yükdaşımalarının həcminin artırılmasının vacibliyi də vurğulanıb. Son illərdə təkmilləşdirilmiş infrastruktur və əlverişli şərait ölkəyə Dünya Bankının Logistika Performans İndeksinə yüksəlməyə kömək edib. Bu artan tranzit potensialı nəinki investisiya cəlb edir, həm də ticarət və iqtisadi əlaqələri gücləndirir.
Tərlan Əmrahova
18:20 11.01.2025
Oxunuş sayı: 8469
