Almaniyadakı seçkilər “son dərəcə ciddi” beynəlxalq şəraitdə keçiriləcək
Almaniya kansleri Olaf Şolts Almaniya Sosial-Demokrat Partiyasının (SDP) qurultayında çıxışı zamanı Qərb ölkələrinin demokratik əsaslarını məhv etmək istəyən qüvvələrin ABŞ-də mövcud olduğunu bildirib.
Crossmedia.az bildirir ki, “ABŞ-də Qərbin demokratik institutlarını məqsədyönlü şəkildə məhv etməyə çalışan qüvvələr var”, – deyə kanslerin sözlərini "Tagesschau" nəşri sitat gətirib.
Şolts izah edib ki, 23 fevral tarixinə planlaşdırılan növbədənkənar seçkilər Almaniyada “son dərəcə ciddi” beynəlxalq şəraitdə keçiriləcək. ABŞ-dən gələn təhdidlərlə yanaşı, o, Ukraynadakı böhranı və Avstriya da daxil olmaqla bəzi ölkələrdə “populist qüvvələrin” güclənməsini də qeyd edib.
Kansler vurğulayıb ki, 23 fevral seçkiləri zamanı Almaniya “qərar qarşısında” qalacaq və yanlış seçimdən qaçmaq zəruridir.
Gültac Mehdizadə
15:34 11.01.2025
Oxunuş sayı: 8033
