179 nəfərin həyatına son qoyan təyyarə qəzası ilə bağlı yeni detallar üzə çıxdı
Cənubi Koreyanın Nəqliyyat Nazirliyi, Muan Beynəlxalq Hava Limanında baş verən və 179 nəfərin ölümü ilə nəticələnən təyyarə qəzası ilə bağlı yeni məlumat yayıb. Açıqlamaya görə, Jeju Air hava yollarına məxsus Boeing 737-800 tipli təyyarənin qara qutusu toqquşmadan 4 dəqiqə əvvəl qeydləri dayandırıb.
Crossmedia.az “Haber Global” a istinadən xəbər verir ki, Nazirlikdən verilən məlumata əsasən: “CVR və FDR qeydləri qəza araşdırmaları üçün əsas mənbələrdən biridir. Lakin qəzanın səbəblərini müəyyən etmək üçün müxtəlif məlumatların araşdırılması və təhlili davam etdirilir. Qəzanın dəqiq səbəbini müəyyənləşdirmək üçün bütün səylərimizi davam etdirəcəyik”.
Qeyd edək ki, Qəza ilə bağlı araşdırmaların davam etdiyi və yeni detalların yaxın günlərdə ictimaiyyətə açıqlanacağı bildirilib.
Fidan Hacızadə
11:05 11.01.2025
Oxunuş sayı: 18280
