Kanada vətəndaşı Rusiyaya casusluqda ittiham olunaraq həbs edilib
Kanada vətəndaşı Rusiya kəşfiyyatına casusluq etmək iddiası ilə Polşada həbs edilib . Bu barədə Crossmedia.az RİA Novosti-yə istinadən xəbər verir.
“Bu gün 18 yaşlı kanadalıya səkkiz aylıq həbs cəzası verilib. O, Rusiya kəşfiyyatının Polşa Respublikasına qarşı fəaliyyətində iştirakda ittiham olunur”, – agentlik Polşa televiziyasının məlumatından sitat gətirib.
Kanadalı Donetskdə agenturaya cəlb edilib. O, Polşanın hərbi imkanları, eləcə də Polşa ordusunun hərbi personalı haqqında məlumatları Rusiya kəşfiyyat orqanlarına ötürmək üçün göstərişlər alıb. Məhkəmə təqsirləndirilən şəxsə nəzərdə tutulmuş cəzadan yüngül cəza təyin edib və hökmdə onun 23 may 2024-cü il tarixdən ilkin həbsdə saxlandığı vaxt nəzərə alınıb.
Bundan əvvəl Almaniya Baş Prokurorluğu üç vətəndaşını Rusiyaya casusluqda ittiham etmişdi.
20:27 10.01.2025
Oxunuş sayı: 2832
