Xarici xəbərlər

Trampın müdafiə xərclərini artırmaq çağırışına NATO-nun reaksiyası

NATO ölkələri ümumilikdə ABŞ-ın yeni seçilmiş prezidenti Donald Trampın müdafiə xərclərini artırmaq çağırışı ilə razılaşır. Lakin xərcləri ÜDM-in 5 faizinə qaldırmayacaq.

Crossmedia.az xəbər verir ki, bu barədə “Reuters” məlumat paylaşıb. Agentlik rəsmilərə və analitiklərə istinadən bildirib ki, NATO müdafiə xərclərinin artırılması zərurəti ilə razıdır. Lakin Trampın təklif etdiyi ÜDM-in 5 faizi təklifini qəbul etmirlər. Onların fikrincə, bu məqsədə nail olmaq demək olar ki, bütün üzvlər üçün siyasi və iqtisadi cəhətdən mümkünsüz olacaq.

Rəsmilər bildiriblər ki, müdafiə xərclərinin artırılması üçün yeni hədəf iyunda Haaqada keçiriləcək sammitdə razılaşdırıla bilər. Agentliyin məlumatına görə, müzakirələrdən sonra NATO ölkələri 3 faizlik ÜDM həddi ilə razılaşa bilər.

Tərlan Əmrahova