Netanyahu: “Husilər bizə qarşı təcavüzlərinin yüksək bədəlini ödəyir”
İsrailin Baş naziri Benyamin Netanyahu ölkəsinə qarşı hər hansı gələcək təhdidlərə qarşı qəti tədbirlər görəcəyini bəyan edib.
Crossmedia.az İsrail mətbuatına istinadən xəbər verir ki, Netanyahu İsrailin Yəməndəki Ənsar Allah (Husilər) hərəkatının mövqelərinə endirdiyi zərbələrə toxunaraq, gələcəkdə İsrailə qarşı təhdid yaradan hər kəsə qarşı qətiyyətlə hərəkət edəcəklərini vurğulayıb.
“Vəd etdiyimiz kimi, Husilər bizə qarşı təcavüzlərinin yüksək bədəlini ödəyir və ödəməyə davam edəcəklər. Bu gün biz Husi rejiminin qərb sahillərindəki və Yəmənin dərinliklərindəki terror hədəflərini vurduq,” – deyə Netanyahu bildirib.
Netanyahunun bu bəyanatı İsrailin regiondakı təhlükəsizlik məsələlərinə qarşı sərt mövqeyini bir daha göstərir.
Fidan Hacızadə
14:58 10.01.2025
Oxunuş sayı: 5184
