Aİ narahatdır: Tramp Bayden dönəmindən qalan tədbirləri ləğv edə bilər
Avropan İttifaqı (Aİ) ABŞ-ın Rusiyaya qarşı tətbiq etdiyi sanksiyaları və digər siyasi tədbirlərin ləğv edilməsindən narahatdır.
Crossmedia.az "Financial Times"a istinadən xəbər verir ki, Aİ rəsmiləri ABŞ prezidenti Cozef Baydenin tətbiq etdiyi yüzlərlə icra fərmanlarını və sanksiyaları təhlil edib.
Brüssel narahatdır ki, ABŞ-nin yeni seçilmiş prezidenti Donald Tramp bu qərarları sırf Baydenin qəbul etdiyinə görə ləğv etməyə çalışa bilər. Ancaq bunun Aİ üzərindəki təsirlərini nəzərə almalıdır. Avropa Komissiyasının rəsmiləri Baydenin əmrlərindən - Rusiyaya qarşı sanksiyalardan tutmuş ticarət və kiber əhlükəsizliyə qədər - hansı ləğvlərin ittifaqa təsir edəcəyini araşdırılmasını tələb edib.
Son günlərdə Tramp Danimarkanı Qrenlandiyanı satmağa məcbur etmək üçün hərbi güc tətbiq etmək və ya ona gömrük vergiləri tətbiq etməkdən imtina edib. Həmçinin Kanada və Panama kanalının ABŞ-ın bir parçası olmasının vacibliyini vurğulayıb.
Baydenin Ukraynaya – Rusiya müharibəsi ilə 2022-ci ildə rəsmi Moskvaya tətbiq etdiyi sanksiyaların ləğvi ehtimalı Aİ rəsmilərini narahat edir. İttifaq rəsmiləri ümid edirlər ki, Tramp bu məhdudiyyətləri Moskva ilə atəşkəslə bağlı istənilən mümkün danışıqlarda potensial təsir vasitəsi kimi istifadə etmək üçün qüvvədə saxlayacaq.
Trampın keçid komandasının sözçüsü, seçilmiş prezidentin təşviqat kampaniyasında verdiyi vədləri yerinə yetirmək və Vaşinqtonda status-kvonu pozmaq üçün dəqiq səlahiyyət aldığını bildirib.
İcra sərəncamları yalnız prezidentər verir və istənilən vaxt ləğv edilə bilər. 2017-ci ildə Tramp sələfi Barak Obamanın qəbul etdiyi Paris iqlim sazişindən çıxmışdı. Bir il sonra o, Obama administrasiyasının vasitəçiliyi ilə İranla nüvə sazişində ABŞ-ın iştirakını da dayandırmışdı.
Tərlan Əmrahova
12:14 10.01.2025
Oxunuş sayı: 7501
