Avropa aviaşirkətləri üçün Rusiyanın hava məkanına yeni məhdudiyyətlər
Avropa Aviasiya Təhlükəsizliyi Agentliyi (EASA) Rusiyanın hava məkanından istifadəyə dair tövsiyələri sərtləşdirib və aviaşirkətləri ölkənin demək olar ki, bütün Avropa hissəsini dolanmağa çağırıb.
Crossmedia.az xəbər verir ki, bu barədə Avropa İttifaqının (Aİ) aviasiya tənzimləyicisinin rəsmi saytında məlumat verilib.
Xüsusilə, aviaşirkətlərə "uçuş səviyyələrindən asılı olmayaraq 60-cı şərq uzunluq meridianının qərbindəki təsirə məruz qalmış Rusiya səmasında uçuş həyata keçirməkdən çəkinməyi" tövsiyə edilib. Bu, Moskva, Sankt-Peterburq, Rostov-na-Donu, Yekaterinburq və Samara hava hərəkəti məlumat bölgələrinə şamil edilir.
Bununla belə, Aİ nümayəndələri qeyd ediblər ki, bu tövsiyə təhlükəsizlik qiymətləndirilməsindən asılı olaraq yenidən nəzərdən keçirilə, uyğunlaşdırıla və ya ləğv edilə bilər.
Bundan əvvəl KLM aviaşirkəti Rusiya səması ilə bağlı Çinlə rəqabəti ədalətsiz hesab etmişdi. Bu barədə Avropa aviaşirkətinin baş direktoru Marjan Rintel bildirib. Onun sözlərinə görə, Avropa İttifaqı maliyyə tədbirləri görməlidir ki, Avropa aviaşirkətləri Çin aviaşirkətləri ilə daha yaxşı rəqabət apara bilsin.
Emil Bağızadə
10:26 10.01.2025
Oxunuş sayı: 4618
