Los-Ancelesdə meşə yanğınları: Ölənlərin sayı arta bilər
ABŞ-nin Kaliforniya ştatına bağlı Los-Anceles şəhərinin Pacific Palisades bölgəsində başlayan və sürətlə yayılan meşə yanğınları fəlakətə səbəb olub.
Crossmedia.az xarici mətbuata istinadən xəbər verir ki, yanğınlar indiyə qədər 10 mindən çox ev, bina və digər tikililərə zərər vurub.
Los-Anceles polis rəisi Robert Luna yanğınların “gördüklərinin ən pis vəziyyəti” olduğunu bildirib. Hazırda 180 min insan üçün məcburi təxliyə əmri, 200 min insan üçün isə təxliyə xəbərdarlığı verilib. Yanğınlar nəticəsində şəhərin təbii qaz təchizatı kəsilib. Nəqliyyat və kanalizasiya sistemləri ciddi zərər görüb.
Yanğınların Hollywood bölgəsinə də çatdığı və Paris Hilton, Mandy Moore və Cary Elwes kimi məşhurların evlərini itirdiyi qeyd olunub. Bölgədəki bütün məktəblərin fəaliyyətinin dayandırıldığı bildirilib.
Qeyd edək ki, hazırda yanğınların təsir dairəsinin genişlənəcəyi və itkilərin artacağı ilə bağlı narahatlıq var.
Fidan Hacızadə
08:29 10.01.2025
Oxunuş sayı: 5239
