Ərdoğan: Suriyaya qarşı sanksiyalar ləğv edilməlidir
Türkiyə Prezidenti Rəcəb Tayyib Ərdoğan İtaliyanın Baş naziri Ciorcia Meloni ilə telefon danışığı aparıb.
Crossmedia.az "TRT Haber"ə istinadən xəbər verir ki, Ərdoğan Suriyanın bərpasına gecikmədən başlamağın vacibliyini vurğulayıb.
Telefon danışığı zamanı Türkiyə lideri İtaliyanı Suriyaya qarşı sanksiyaların ləğvi prosesinə rəhbərlik etməyə çağırıb.
Tərəflər həmçinin ikitərəfli məsələləri müzakirə ediblər. Ərdoğan qarşılıqlı ticarət dövriyyəsinin artırılması imkanlarına əminliyini ifadə edib. O, xüsusilə müdafiə sənayesi və enerji sahələrində əməkdaşlığın gücləndirilməsində maraqlı olduqlarını qeyd edib.
Gültac Mehdizadə
16:56 09.01.2025
Oxunuş sayı: 3683
