Kaliforniyada meşə yanğınları: Peyk görüntüləri fəlakətin miqyasını göstərir
Kaliforniyada güclü yanğınlar davam edir. Yanğın 16,5 kvadrat mil (43 kvadrat kilometr) ərazini külə döndərib və beşdən çox məktəbə ciddi zərər vurub. Təxminən 750 yanğınsöndürən yanğını nəzarət altına almağa çalışır.
Crossmedia.az “The Guardian”a istinadən xəbər verir ki, Çərşənbə axşamı günü qasırğa gücündə küləklər alovları sürətlə bir blokdan digərinə yayaraq 42 kvadrat mil (108 kvadrat kilometr) ərazini külə çevirib.
Xüsusilə Malibu sahilinə yaxın məşhur Pacifik Palisades bölgəsində 15,000 akrdan çox ərazi yanıb. Sahil boyunca binalar tamamilə məhv olub. Bölgədəki bir neçə məktəb də zərər görüb və ya tamamilə dağılıb.
Qeyd edək ki, Kaliforniyada sürətlə yayılan meşə yanğınları nəticəsində 5 nəfər həyatını itirib. 1,000-dən çox bina məhv olub. 130,000-dən çox sakin isə təxliyə edilib. Los-Anceles ətrafında alovlar şəhəri mühasirəyə alıb. Altı fərqli yerdə yanğınlar nəzarətdən çıxıb.
Fidan Hacızadə
07:49 09.01.2025
Oxunuş sayı: 4876
