Ukrayna Rusiyadan neft tranzitini tam dayandırmağı təklif edir
Ukrayna Ali Radası, Rusiyadan təbii qaz tranzitinin dayandırılmasından sonra, neft tədarükünün də tamamilə kəsilməsi ilə bağlı qanun layihəsi hazırlayıb. Sənəd hökumətin rəsmi saytında dərc edilib. Təklif, aralarında keçmiş prezident Petro Poroşenkonun da olduğu təxminən 20 Ukrayna siyasətçisi tərəfindən irəli sürülüb.
Crossmedia.az xarici KİV-ə istinadən xəbər verir ki, qanun layihəsində "Ukraynanın milli təhlükəsizliyinin müdafiəsi maraqlarına uyğun olaraq Rusiya neftinin tranzitinin dayandırılması ilə bağlı hökumətə təcili tədbirlərin görülməsi" tələbi qeyd edilib.
Ekspertlər isə bu qərarın ciddi iqtisadi itkilərə səbəb ola biləcəyini bildirirlər. Metlen Energy & Metals şirkətinin idarəedici direktoru Evangelos Mitilineosun sözlərinə görə, Avropa İttifaqı Ukrayna üzərindən Rusiya qazı tranzitindən imtina edərək təxminən 100 milyard avro (11 trilyon rubl) zərərə uğrayıb. O, hazırda Avropanın yanacaq tədarükündə 5% azalma ilə üzləşdiyini vurğulayıb.
Bundan əvvəl Magyar Nemzet qəzetinin analitikləri, Prezident Vladimir Zelenskinin Rusiya qazının tranzitindən imtina etməklə Ukrayna iqtisadiyyatına zərbə vurduğunu qeyd ediblər. Analitiklər Zelenskinin bu qərarı haqqında "Rusiya məğlub oldu" bəyanatını verərkən heç bir açıqlama vermədiyini də bildiriblər.
Emil Bağızadə
14:32 08.01.2025
Oxunuş sayı: 4027
