“Tottenhem” Heung-Min Son ilə müqaviləni uzadıb
“Tottenhem Hotspur” kapitan Heung-Min Son ilə müqaviləni 2026-cı ilə qədər uzadıb.
32 yaşlı futbolçunun mövcud müqaviləsi 2024-25 mövsümünün sonunda başa çatmalı idi. Yəni o, yanvar ayından etibarən xarici klublarla müqavilə imzalaya bilərdi.
“Spurs” isə həmişə Cənubi Koreyalı futbolçusunu bir il daha klubda saxlamaq seçimini həyata keçirmək niyyətində olduqlarını müdafiə edirdi.
Crossmedia.az “New York Tayms”a istinadən xəbər verir ki, H.Son 2015-ci ilin yayında “Bayer Leverkusen” klubundan “Tottenhem”ə keçib. Sol cinah hücumçusu burada 431 oyun keçirərək, komanda tarixində ən çox meydana çıxan 11-ci oyunçu olub. Oynadığı oyunlarda 169 dəfə fərqlənməyi bacaran ulduz futbolçu klub tarixinin ən çox qol vuran oyunçuları arasında 4-cü yerdə qərarlaşıb. O, 2023-cü ildən komandanın kapitan sarğısını daşıyır.
Bu mövsüm bütün yarışlarda 23 oyun keçirən Son 7 qol, 6 assist ilə yadda qalıb.
Qeyd edək ki, Cənubi Koreya millisinin üzvü Heung-Min Son mövsümün sonunda müqaviləsi başa çatacaq 4 “Tottenhem” futbolçusundan biridir.
Nicat Rüstəmzadə
12:08 07.01.2025
Oxunuş sayı: 4791
