Ərdoğan: "Suriya bölünsə, Türkiyə müdaxilə etməyə hazırdır"
"Əsəd rejiminin devrilməsindən sonra Suriya parçalanmağa doğru gedərsə, Türkiyə müdaxilə etməyə hazırdır".
Crossmedia.az xəbər verir ki, bu sözləri Türkiyə prezidenti Rəcəb Tayyib Ərdoğan mətbuat konfransında çıxışı zamanı söyləyib.
“Biz heç bir göstərişlə Suriyanın parçalanmasına və ya onun vahid strukturunun pozulmasına razı olmayacağıq. Bununla bağlı risk görsək, lazımi addımları sürətlə atacağıq” deyə o, vurğulayıb.
Qeyd edək ki, Türkiyə hazırda Suriyaya rəhbərlik edən üsyançı qrup “Heyət Təhrir əş-Şam”ı dəstəkləyir və Ankaranı ölkənin yeni liderlərinə təsir etmək iqtidarına qoyur. Eyni zamanda, Türkiyə uzun müddətdir ki, Suriyanın kürd qüvvələrini təhdid kimi görür.
Aybəniz Səfərova
12:18 07.01.2025
Oxunuş sayı: 3387
