Çadın Xarici İşlər Naziri Makronu Afrikaya hörmətsizlikdə ittiham edib
Çadın xarici işlər naziri Fransanın prezidenti Emmanuel Makronu hörmətsizlikdə ittiham edib. Buna səbəb onun Səhil bölgəsində cihadçı üsyançılarla mübarizədə göstərilən köməyə görə Afrika liderlərinin Fransaya "təşəkkür etməyi unutduqlarını" bəyan etməsi olub,
Crossmedia.az bu barədə Cənubi Afrika mətbuatına istinadən xəbər verir.
"Çad hökuməti Fransanın prezidenti Emmanuel Makronun fikirlərindən dərin narahatlıq keçirir. Bu fikirlər Afrika və afrikalılara qarşı hörmətsiz münasibəti əks etdirir", – deyə Çadın Xarici İşlər Naziri Abderahman Kulamalla bildirib.
O əlavə edib ki, Fransayla "heç bir problemi yoxdur", lakin Fransanın liderləri "afrikalılara hörmət etməyi öyrənməlidirlər".
Kulamalla, Afrika və Çadın iki dünya müharibəsi zamanı Fransanın azad edilməsində oynadığı "əsas rolu" vurğulayıb və bildirib ki, Paris bunu heç vaxt layiqincə qəbul etməyib.
O, həmçinin qeyd edib ki, Çadda uzun müddət mövcud olan Fransanın töhfəsi "tez-tez yalnız öz strateji maraqları ilə məhdudlaşıb və çad xalqının inkişafına heç bir real uzunmüddətli təsir göstərməyib".
Emil Bağızadə
11:11 07.01.2025
Oxunuş sayı: 17705
