Netanyahu İrana hücum planı ilə bağlı suala cavab verməkdən imtina edib
İsrailin Baş naziri Benyamin Netanyahu ABŞ və İsrailin İrana qarşı birgə hücum planı hazırladığına dair məlumatları şərh etməkdən imtina edib.
Crossmedia.az xəbər verir ki, Netanyahu bu barədə jurnalistin sualını cavablandırarkən danışıb.
Baş nazirə ABŞ və İsrailin İrana hücum üçün artıq hazır birgə planının olub-olmadığı barədə sual ünvanlanıb.
“Planla bağlı şərh verməyəcəyəm”, – deyə Netanyahu bildirib.
Onun bu cavabı mümkün hərbi əməliyyat planının mövcudluğunu nə təsdiqləyir, nə də təkzib edir.
ABŞ mediasında yayılan məlumatlara görə, Vaşinqton və Təl-Əviv İrana qarşı mümkün yeni hərbi əməliyyatların planlarını müzakirə edir. Lakin hücumla bağlı yekun qərarın verildiyi təsdiqlənməyib.
13:53 24.10.2026
Oxunuş sayı: 59
