Vatikan tarixində ilk: Rahibə Simona Brambilla prefekt təyin edildi
Crossmedia.az xəbər verir ki, Roma Papası Fransisk ilk dəfə bir qadını – italyan rahibə Simona Brambillanı, Katolik Kilsəsinin dini ordenlərindən məsul departamentin prefekti vəzifəsinə təyin edib.
Bu təyinat, Papa Fransiskin qadınlara Kilsə idarəçiliyində daha yüksək vəzifələr vermək siyasətinin mühüm addımlarından biridir. Əvvəllər qadınlar Vatikanın bəzi qurumlarında köməkçi vəzifələrdə işləsələr də, bu səviyyədə bir təyinat baş verməyib.
Brambillanın təyinatı, 2022-ci ildə həyata keçirilmiş islahatlar nəticəsində mümkün olub. O, Marian Consolata Missionaries dini institutunun üzvü və 2023-cü ildən Dikasteriyanın katibi olub.
Papa, həmçinin, teoloji tələbləri qarşılamaq üçün pro-prefekt vəzifəsinə kardinal Anxel Fernandez Artimeyi təyin edib.
Emil Bağızadə
18:53 06.01.2025
Oxunuş sayı: 14289
