Xarici xəbərlər

Fransada terror təhlükəsi artıb: Təhlükəsizlik tədbirləri gücləndirilir

Fransanın Daxili İşlər və Dənizaşırı Ərazilər naziri Bruno Retayo terror aktları təhlükəsi ilə əlaqədar polis prefektlərinə təhlükəsizlik tədbirlərini gücləndirməyi tapşırıb.

Crossmedia.az xəbər verir ki, bu barədə Agence France-Presse məlumat yayıb.

"Artan terror təhlükəsini nəzərə alaraq, kütləvi mədəni, idman və əyləncə tədbirlərinin keçirildiyi vaxtlarda maksimum diqqət səviyyəsini artırmağı və təhlükəsizlik tədbirlərini gücləndirməyi əmr edirəm", - nazir bildirib.

Bruno Retayo hüquq-mühafizə orqanlarının kütləvi tədbirlərdə iştirak edənləri yoxlayan əməkdaşlarının hazırlığına xüsusi diqqət yetirilməsini tapşırıb. Bundan əlavə, nazirin sözlərinə görə, avtomobillərdən istifadə ilə bağlı terror aktlarının qarşısını almaq üçün gücləndirilmiş tədbirlər görülməlidir.

Retayo qeyd edib ki, Almaniya və ABŞ-da baş verən son terror aktları terror təhlükəsinin ciddiliyini göstərir.

Emil Bağızadə