Bu şirkət təmir səbəbilə 536 uçuşda gecikmə yaşayıb
Cənubi Koreyanın Muan Beynəlxalq Hava Limanında baş verən təyyarə qəzasında 179 nəfər həyatını itirmişdi, 2 nəfər isə xilas olmuşdu. Qəza ilə əlaqəli olan "Jeju Air" şirkəti haqqında yeni təhlükəsizlik məlumatları üzə çıxıb.
Crossmedia.az “Haber Global” a istinadən xəbər verir ki, Koreya Torpaq, İnfrastruktur və Nəqliyyat Nazirliyinin müxalifətdəki Demokratik Partiya Millət vəkili Li Yeon-hee-ə təqdim etdiyi məlumatlara görə, "Jeju Air" 2024-cü ilin ilk yarısında təmir səbəbindən ən çox uçuş gecikməsi yaşayan yerli hava yolu şirkəti olub. Şirkət, 6 ayda həyata keçirdiyi 52,883 uçuşun 536-sında təmir səbəbindən gecikmə yaşayıb ki, bu da digər hava yollarına nisbətən olduqca yüksəkdir.
"Jeju Air"in təmir səbəbiylə yaşadığı gecikmə nisbəti 1,01%-ə bərabər olub, bu isə sektoral orta göstərici olan 0,64%-dən xeyli yüksəkdir. Məlumatlar şirkətin əməliyyatlarını davam etdirmək məqsədilə təmir proseslərini kifayət qədər diqqətə almadığına dair təhlükəsizlik narahatlıqlarını artırıb.
Fidan Hacızadə
08:59 06.01.2025
Oxunuş sayı: 19642
