Türkiyə kəşfiyyatı 2 terrorçu qadını zərərsizləşdirib
Milli Kəşfiyyat Təşkilatı (MİT) İraqın şimalındakı Hakurkda terror təşkilatı PKK/KCK üzvü “Mitra Mani” kod adlı Zeynep Aslan və “Ekin Dilda” kod adlı Zeliha Mahçupu zərərsizləşdirib.
Crossmedia.az "Anadolu Agentliyi"nə istinadla xəbər verir ki, MİT-ə qadınların Türkiyədə strateji hədəflərə qarşı hücumlar təşkil etmək üçün təlim keçdikləri barədə məlumat daxil olub.
MİT Türkiyəyə keçməyə hazırlaşan terrorçuları addım-addım təqib edərək Hakurkda təşkil etdikləri əməliyyatla Aslan və Mahçupu zərərsizləşdirib.
Qeyd edək ki, iki terrorçunun 2015-ci ildə terror təşkilatının kənd əməkdaşlarına qoşulduğu bildirilib.
Nəzrin Salmanova
08:29 06.01.2025
Oxunuş sayı: 7977
