İŞİD ABŞ-da fəallaşdı - FBI agentindən şok açıqlama
ABŞ-ın Nyu-Orleans, Nyu-York və Las Veqas şəhərlərində baş verən hücumlar nəticəsində 15 nəfərin həyatını itirib, 45 nəfər yaralanıb.
Crossmedia.az “Haber Global”a istinadən xəbər verir ki, Federal Təhqiqatlar Bürosunun (FBI) keçmiş agenti Duqlas Hart açıqlamasında bildirib ki, “İŞİD artıq ABŞ-da hərəkətə keçib və yaxın zamanda təhlükəsizlik səbəbilə ABŞ-a xaricdən girişlər də çətinləşəcək. İŞİD illər ərzində müəyyən terror strategiyaları inkişaf etdirib və FBI bu strategiyaların şəbəkəsini analiz edib”.
Hartın sözlərinə görə, FBI “şəbəkə izləmə” adlı taktika ilə terrorçuların izlərini müəyyən edir. Donald Trampın ikinci prezidentliyi dövründə ölkə daxilində təhlükəsizlik tədbirləri sərtləşdiriləcək və viza prosesləri daha mürəkkəb hala gətiriləcək”.
Federal Təhqiqatlar Bürosu bu hücumlarla bağlı araşdırmalara başlayıb. Hücumların mərkəzində ABŞ ordusunun keçmiş üzvü və İŞİD-ə qoşulduğu bilinən Şəmşəddin Cabbar dayanır. Cabbar Yeni il gecəsində Nyu-Orleans şəhərində həyata keçirdiyi hücum zamanı 15 nəfəri öldürüb. O, hücum etdiyi marşrut boyunca bombalar yerləşdirib, evində isə çox sayda partlayıcı maddə və İŞİD-ə üzvlüyünü sübut edən dəlillər tapılıb.
Fidan Hacızadə
07:44 06.01.2025
Oxunuş sayı: 4425
