Hava hücumu: ölən və yaralananlar var
Sudanın paytaxtı Xartumun cənubunda yerləşən ərazidə hava hücumu zamanı azı 10 nəfər ölüb, 30 nəfər yaralanıb .
Crossmedia.az "Xinhua"ya istinadən xəbər verir ki, hücuma görə heç bir qruplaşma məsuliyyəti üzərinə götürməyib.
Yerli könüllülərdən ibarət Cənubi Xartum Təcili Yardım Mərkəzi, verdiyi məlumatda 10 nəfərin öldüyünü, 30 nəfərin isə yaralandığını bildirib. Hücum Xartumun cənubunda yerləşən Mayo məhəlləsindəki Əl-Səhric stansiyasını hədəf alıb.
Qrup Əl-Səhric stansiyasının bir ay ərzində üç dəfə bombardman edildiyini qeyd edib. Çünkü ərazidə bazar və qida dükkanlarının olması səbəbiylə bu bölgədə əhalinin sıxlığı müşahidə olunur.
Öz növbəsində, Sudanın Əl-Rakoba xəbər portalı bazar günü hava hücumu zamanı yaralananların çoxunun hadisə yerindən təxminən 4 km aralıda yerləşən Bəşair xəstəxanasına aparıldığını bildirib.
Tərlan Əmrahova
07:31 06.01.2025
Oxunuş sayı: 2878
