Plastik əməliyyatlar üçün yaş həddi aşağı salınıb
İran hökuməti plastik əməliyyat üçün minimum yaş həddini qızlar üçün 18-dən 14-ə, oğlanlar üçün isə 16-ya endirdiyini açıqlayıb.
Crossmedia.az Türkiyə mətbuatına istinadla xəbər verir ki, bu barədə İran Rinologiya Assosiasiyasının idarə heyətinin üzvü İbrahim Rezmpa məlumat verib.
“Elmi nöqteyi-nəzərdən bu yaşlar indi uyğun hesab olunur. Qızlar 14 yaşından, oğlanlar isə 16 yaşından etibarən əməliyyat oluna bilər. Əvvəlki minimum yaş 18 idi, lakin insanın cərrahiyyə əməliyyatına uyğunluğunun müəyyən edilməsində böyümə, fiziki və psixoloji inkişaf, emosional yetkinlik kimi amillər də mühüm əhəmiyyət kəsb edir”, - deyə o bildirib.
Qeyd edək ki, mütəxəssislər İranda estetik əməliyyatların artmasına həmyaşıdların təzyiqi, medianın təsiri və üstünlük təşkil edən mədəniyyət normaları səbəb olduğunu düşünürlər.
Nəzrin Salmanova
05:39 06.01.2025
Oxunuş sayı: 17058
