BMT Baş katibi Kiprdən danışdı: Ortaq bir həll yolu mümkündür
Kipr məsələsinə hələ də "qarşılıqlı olaraq qəbul edilə bilən" bir həll yolu tapılması mümkündür.
Crossmedia.az "Anadolu Agentliyi"nə istinadla xəbər verir ki, bu sözləri Birləşmiş Millətlər Təşkilatının (BMT) Baş katibi Antonio Quterreş deyib.
O, bu barədə BMT Təhlükəsizlik Şurasının üzvlərinə təqdim etdiyi "Yaxşı niyyət missiyası" və "BMT Kipr Sülhməramlı Qüvvələri (UNFICYP)" hesabatlarında bildirilib.
Qeyd edək ki, "Yaxşı niyyət missiyası" hesabatında BMT Baş katibinin Kipr üzrə şəxsi nümayəndəsi Mariya Anxela Holqin Kuelların 2024-cü ilin iyul ayında vəzifə müddətinin sona çatdığı da rəsmi şəkildə qeyd olunub. Hesabatda Holqininin bütün səylərinə baxmayaraq Kipr məsələsinin həlli ilə bağlı tərəflər arasında ortaq məzmunda razılıq əldə olunmadığına diqqət çəkilib.
BMT Kipr Sülhməramlı Qüvvələri (UNFICYP) hesabatında isə bəzi yunan kəndlilərinin son dövrlərdə UNFICYP-in xəbərdarlıqlarına baxmayaraq ara bölgənin şimal atəşkəs xəttinə yaxın hissəsindəki fəaliyyətlərinə diqqət çəkilib və bunun gərginliyi artırdığı qeyd olunub.
Nəzrin Salmanova
05:05 06.01.2025
Oxunuş sayı: 31165
