Qəza baş verib - Hərbi helikopter yanıb
Rusiyanın Voronej vilayətində hərbi helikopter qəzaya uğrayıb
Rusiyanın Voronej vilayətində Mi-28 hərbi helikopteri qəzaya uğrayıb və sərt enişdən sonra alovlanaraq tamamilə yanıb.
Crossmedia.az Rusiya İstintaq Komitəsinin Hərbi İstintaq İdarəsinə istinadən yazır.
Hadisə 1 yanvar tarixində, yerli vaxtla saat 18:00 radələrində, cəbhə xəttindən 250 km məsafədə baş verib. İlkin məlumatlara görə, qəza nəticəsində helikopterin iki ekipaj üzvü həlak olub. Yer səthində yaralanan və ya dağıntılarla bağlı heç bir məlumat verilməyib.
Rusiya İstintaq Komitəsi hadisə ilə bağlı araşdırma aparır.
Qeyd edək ki, Mi-28 helikopteri aktiv atəş altında tankları, digər zirehli texnikaları, aşağı sürətli hava hədəflərini və düşmənin canlı qüvvəsini axtarıb məhv etmək üçün nəzərdə tutulub.
Gültac Mehdizadə
12:44 05.01.2025
Oxunuş sayı: 3203
